Домой Коом Аймактардагы 46 райондук гезит-журнал жоюлду

Аймактардагы 46 райондук гезит-журнал жоюлду

9

– Юстиция министрлиги жогорудагы ЖМКлардын ишмердүүлүгүн токтотуп, жаңы медиа борборлорду түзүү боюнча иштер жүрүп жатат. Облустарда иштеген 600 кызматкердин 110ну кыскартылып, калгандарынын маянасы 15 пайызга көбөйдү. Учурда жети облуста медиа борборлорду түзүү боюнча иштер жүрүп жатат. Ага облустук телеканал менен облустук гезиттер бириктирилет. Жаңы жылдан баштап аймактык медиа борборлордун бирдиктүү маалымат сайты да иштей баштайт. Аны жасалгалоо жана иштеп чыгуу боюнча тендер жарыяланды, – деди Сарногоева.

Мындан сырткары январь айынан тартып медиа борбордун ар бир кызматкерлери жаңыча иштөө усулу боюнча окутулуп, маалыматтарды таратууда телеканал, гезит, сайт багытындагы иштей башташат. Ар бир райондо экиден кабарчы болот. Медиа борбор жергиликтүү жалпыга маалымдоо каражаттарын заман талабына ылайык иштетүүгө шарт түзүү максатында түзүлүүдө.