Текебаев калпты аныктоочу аппараттан дагы бир ирет баш тартты

29.06.2017 | Саясат

 

   1033688205

Россиялык ишкер Леонид Маевский “Ата Мекен” партиясынын лидери Өмүрбек Текебаев менен партиянын дагы бир мүчөсү Дүйшөн Чотоновдун сот отурумунда көрсөтмө берүүдө. Ал Текебаевдин адвокаттарынын чагымчылдык мүнөздөгү суроолоруна да жооп берип, 1 млн. долларды бергенин дагы бир ирет тастыктоодо.

Эсиңиздерде болсо Текебаев алгач камалганда Маевский менен УКМКнын тергөө абагында беттешкен. Ошондо россиялык ишкер анткорлоно берген  Текебаевди калпты аныктоочу аппаратка түшүүнү сунуш кылганын айтып, Өмүрбек Чиркешович андан баш тартканын билдирген эле.

29-июндагы сот отурумунда Маевский бул сөзүн дагы бир ирет кайталап, “силер каалаган мамлекеттен же фирмадан аппаратты өзүм алып келейин, келиңиз калпты аныктоочу аппаратка түшүңүз” дегенде Текебаев дагы бир жолу андан баш тартты. Демек, ири өлчөмдө пара алды деп шектелген Текебаев күнөөсү далилденип каларынан чочулоодо. Эгер ак болгондо буга өзү кызыкдар болуп, аппаратты заматта алдырмак. Эми бул көрүнүшкө эл өз баасын берсин.

 

 


Пикир калтырыңыз:

Тилекке каршы, сиздин браузер пикир калтырууга мүмкүндүк бербейт экен...

Тектеш макалалар: