MegaCom жогорку ылдамдыктагы 4G LTE’ни колдонууга киргизди

28.03.2016 | Экономика

4G

Кыргызстандын мобилдик рыногундагы ири байланыш оператору MegaCom өзүнүн 10 жылдыгында өнүгүүсүнүн жаңы этабында жогорку ылдамдыктагы технология 4G LTE’ни дароо эле Кыргызстандын 3 ири шаарында: Ошто, Жалал-Абадда, Бишкекте пайдаланууга киргизди.

10-марттан баштап  MegaCom’дун абоненттери өздөрүнүн смартфонунун экранынан көптөн күтүлгөн 4G LTE’нин белгисин  көрүштү. 2016-жылдын 10-мартында ММКларда MegaCom 4-муундагы расмий коммерциялык тармакты колдонууга бергендиги тууралуу маалыматтар тарады. Биз жаңы технология кантип ишке ашырылганын, бул багытта MegaCom өзүнүн абоненттерине эмне кызыктарды даярдаганын, ошондой эле кыргызстандыктарды компаниянын 10 жылдыгына карата кандай иш-чара күтөрүн билүүгө кызыктык.

“Чындыгында мобилдик мега-тармак быйыл өзүнүн 10 жылдыгын белгилейт. Мааракелик жылында жогорку ылдамдыктагы 4G LTE технологиясын толук масштабдуу жайылтууга киришет. Бул үчүн бардык бөлүмдөгүлөр тер төгө иштеп, өткөн жылы көптөн күткөн лицензия жана жыштыкка ээ болуп, жабдыктарды даярдоо иштери жүрдү. Учурда MegaCom абоненттерине сапаттуу 4G LTE интернетинин кызматын алгач Бишкек, Ош, Жалал-Абад шаарынын жашоочулары менен конокторуна, көп өтпөй жалпы өлкө ичине тартуулайт”,- деп комментарий берди MegaCom компаниясынын башкы директору Азат Базаркулов.

MegaCom уюлдук байланышынын Өнүктүрүү жана оптимизация департаментинин жетекчиси Нурлан Курманбаев: “LTE тармагын ишке ашыруу үчүн биз төмөнкү диапазондорду колдондук: Band 1 (2100 МГц), Band 3 (1800 МГц) жана Band 20 (МГц). Аталган диапазондор дүйнөдөгү эң көп таркагандар болуп саналат, анткени байланышты ири радиуста камтыйт жана жогорку ылдамдыкта кошо алат. Дароо 3 диапазонду ишке киргизүү бул кеңири аймакты кучакка камтууну жана келечекте эң алыскы айылдарда да LTE кызматын колдоно алууну камсыз кылат”,- деп билдирди.

Нурлан мырза ошондой эле: “4G байланышын колдоно алуу үчүн мобилдик телефонду керектүү түзүлүшкө (настройка) туура кошуу керек. 4G’ны кошуу үчүн мобилдик түзүлүштөгү байланыштын автоматтык тандоо режимин тандап жана орнотуу кажет. Ошондой эле iOS же Android программалык камсыздоосунун акыркы версиясын орнотуу зарыл”,- деп кошумчалайт.

Кошумча техникалык маалыматты 4g.megacom.kg сайтынан ала аласыздар.

 

Эмне үчүн 4G?

MegaCom тартуулаган 4G LTE менен мобилдик интернет көп эселеп тездеди! Мурун 3 секундда жүктөлгөн сүрөт эми 1 секундда, сүйүктүү ырыңыз 20 секунд эмес 2 секундда, фильм болсо 1 саат эмес 10 мүнөттө жүктөлөт! Бир сөз менен айтканда, 4G форматы мобилдик интернеттин эң активдүү колдонуучуларына багытталган. Бул үчүн болгону SIM-карта жана 4G форматын кармай алуучу түзүлүш керек.

“Мен көбүнчө мобилдик интернетти “Одноклассники” жана Instagram’га кирүү үчүн колдоном. Көрсө, 4G аркылуу достор менен бат байланышууга болот экен. Мен абдан ыраазымын”,- дейт MegaCom операторунун Ош шаарындагы абоненти Палина Максутшоева.

Айта кетчү нерсе, SIM-картаңыз менен мобилдик түзүлүш 4G менен иштей ала турганын дароо текшере аласыз. Бул үчүн *460 акысыз командасын терүү керек. Эгер систем “SIM-картаны алмаштырыңыз” деп жооп берсе, анда сиз сатуу жана тейлөө борборуна же MegaCom компаниясынын фирмалык салондоруна барсаңыз, ал жерден сиздин SIM-картаны 4G LTE жаңы форматындагысына бекер алмаштырып беришет.

 

MegaCom 4G үчүн сунуштаган кызматтар

Кимге эң жогорку ылдымдыктагы мобилдик интернет керек болсо, аларга 1 айлык мөөнөттөгү 30-60 миң мегабайттуу “День-Ночь” VIP пакети керек. Мындан көбүрөөк керекпи? Анда каалооңузга жана интернеттеги активдүүлүгүңүзгө жараша *192# терип, пакеттин мөөнөтүн узартып, 400дөн 60 миң мегабайт тегерегиндеги өлчөмдү белгилей аласыз.

Көп интернет менен кошо көп мүнөттү жана СМСти каалайсызбы? Анда “Элдик” тарифинин өз ичине аптасына 1ден 7 гегабайтка чейин камтыган максималдуу ылдамдыктагы интернет трафигине кошул. Ушундай сунуштардын ичиндеги мегабайт үчүн баа болгону 2,8 тыйын, SMS, түйүн ичинде жана түйүн сырткары сүйлөшүүлөр үчүн символикалуу төлөмдөр жүргүзүлөт. Айтылгандардын баарын “Элдик” *678# аркылуу универсалдуу кыла алат.

 

Жогорку ылдамдыктын майрамы

MegaCom 4G LTE’ни ишке киргизгендиги жана 10 жылдыгына карата 2016-жылы түрдүү иш-чараларды өткөрөт. Кыргызстандын ири мобилдик оператору абоненттери үчүн көптөгөн сюрприздерди жана белектерди даярдоодо.

Радиодогу сынактар: популярдуу радиостанцияларда MegaCom 4G LTE’ни ишке киргизгендигине карата көңүлдүү сынактарды өткөрөт. Угармандар түз эфир аркылуу эксклюзивдүү кол сааттарды утуп ала алышат.

25-мартта Жалал-Абадда, 26-мартта Ошто промо-акциялар өткөрүлөт. Иш-чара учурунда “Трансформер” роботтору жана промоутерлер жогорку ылдамдыктагы технология тууралуу аймактын жашоочуларына айтып беришет. Көңүл ачуучу программалар уюштурулуп, ыр жана бий топтору өнөрлөрүн көрсөтүшөт.

26-мартта Ош шаарында веложүрүш өтүп, анда профессионалдар, велоспортту сүйүүчүлөр катыша алышат. Иш-чара концерт жана байгелүү белектер менен коштолот.

2016-жылдын велосезонунун масштабдуу ачылышы 27-мартта Бишкекте өтөт. Былтыр аталган иш-чарага 500дөн ашык адам катышса, быйыл андан көп катышары күтүлүүдө. Бишкектин борбордук көчөсүнөн велоспорттун чеберлери жана сүйүүчүлөрү жана MegaCom компаниясынын башкы директору Азат Базаркулов баштаган жамааты колонна болуп өтөт. Иш-чарага каалоочулардын баары катыша алат, болгону велосипеди оң абалда болушу шарт. Катышуучуларга фирмалык футболкалар таратылып, иш-чаранын аягында палоо берилип, катышуучуларга чакан оюн-зоок программа даярдалган.

Андыктан facebook, instagram, ok.ru сыяктуу социалдык тармактардан MegaGomKG’ни таап, компаниянын жаңылыктарына дыкат көз салып туруу үчүн катталыңыз!


Пикир калтырыңыз:

Тилекке каршы, сиздин браузер пикир калтырууга мүмкүндүк бербейт экен...

Тектеш макалалар: