Кожойкелерге кеңеш: Картошканы өнүп ке­түүдөн сактайбыз жана башкалар

Өнүп кеткен картошка

Картошканы өнүп ке­түүдөн сактайбыз. Кышка камдап алган картошкабыз жазга маал өнө баштаганын баарыбыз эле көрүп жүрөбүз. Мындай болбош үчүн картошка салынган капка кадимки алмадан салып койсоңуз картошка ошол бойдон сакталат.

* * *

Шорпону ашыкча туз­дап алсаңыз. Шорподогу ашыкча тузду соруп алуу үчүн ага бир картошканы ортосунан бөлүп салып койсоңуз, андагы ашыкча тузду соруп алат.

* * *

Кийимдин сыдырмасы бузулганда. Мындай учурда гигиеналык ооз боёгуч, самын же болбосо кадимки шам менен сыдыргыны сүртүп койсоңуз ал калыбына келип зымылдап калат.

* * *

Жашылчанын витами­нин сактайбыз. Тамак-аш­ка кошулган жашылчалардын витаминин сактоо үчүн аларга муздак эмес, кайнак суу куюш керектигин көбүбүз билбесек керек.

* * *

Монитордун нурлануу­сунан сактануу. Бул үчүн сиздин компьютериңиздин мониторунун жанына кадимки кактус гүлүн коюп коюңуз. Кактус гүлүнүн радиацияга каршы касиети бар.

* * *

Курт-кумурскадан ары­луу. Үйдө курт-кумурска көбөйүп кетпестиги үчүн суу менен чай дарагынын майын кошуп аралашма жасап, аны эшик-терезелерге чачуу керек. Ошондой эле кебезге чыланган лаванда майы да аларды үйгө жолотпойт.

* * *

Май чачырабасын десе­ңиз. Көмөч казанга бир чымчым туз салып койсо, ага куюлган май тамак даярдап жатканда чачырабайт.

* * *

Жумуртканы туура бы­шырабыз. Жарака кеткен жумуртканын ичиндегиси агып кетпей бышуусу үчүн аны туздуу сууда кайнатуу керек.

* * *

Бууга бышкан тамактар. Эгерде бууга бышырып жаткан манты, оромо сыяктуу тамагыңыз бат бышсын десеңиз, кастрюлдагы сууга туздан салып коюу керек.

* * *

Колдогу жагымсыз жытты кетирүү. Балык же пияз тазалагандан кийинки колдогу жагымсыз жытты кетирүү үчүн туздалган суу менен колуңузду чайкасаңыз жыт заматта жок болот.

Аида Мусаева


Пикир калтырыңыз:

Тилекке каршы, сиздин браузер пикир калтырууга мүмкүндүк бербейт экен...

Тектеш макалалар: