Элечегим — сыймыгым” флешмобу элдин оозун ачырды

24.07.2017 | Маданият

20258198_882090971938988_8039773806618326654_n

21-июлда элечек кийген келиндер Бишкектин соода түйүндөрүн, базарларды кыдырып, Панфилов паркында, Ала-Тоо аянтында, коомдук транспорттордо жүрүштү. Улуттук баш кийимге кызыккандар көп болуп, элечекчен айымдарды көргөндө патриоттуулук сезимдери ойгонуп, кыргыз экенине сыймыктанып, толкундангандар элечекчен айымдар менен сүрөткө түшүп, апалар батасын берип жатышты. Көчөдөгү туристтердин оозун ачырган, суктандырган “Элечегим — сыймыгым” аттуу флешмобун белгилүү айым Айжан Акылбекова уюштурду. Белгилей кетсек, “Ак элечек апалар” долбоорунун демилгечиси Айжан Акылбекова буга чейин улуттук баш кийимди, дегеле, улуттук кийимдерди даӊазалап жүрөт. Албетте, ар бир улуттун өзүнүн улуттук кийими, тили, маданияты менен башка улуттардан айырмаланып келет эмеспи. Кыргыздын улуттук кийимдеринин унутулбай, уланып бара жатканына Айжан Акылбекованын салымы чоӊ. Айжан эжедей айымдарыбыз көп болсо, кыргыздын улуттук баш кийимин гана эмес кыргыздын баалуулуктарын сактап, келээрки муунга татыктуу өткөрүп беребиз деген үмүт бар.

20228898_882062145275204_1394135759085028512_n 20229398_882061551941930_5508332412089068244_n 20293150_882091025272316_3754720647241359577_n


Пикир калтырыңыз:

Тилекке каршы, сиздин браузер пикир калтырууга мүмкүндүк бербейт экен...

Тектеш макалалар: